ဦးပိုင်က ကျင်းပတဲ့ ကားပြပွဲမှာ ကားတွေထက် မလုံ့တလုံ မော်ဒယ်လ်ဂဲလ်တွေကို လူပိုစိတ်ဝင်စား

ဦးပိုင်က ကျင်းပတဲ့ ကားပြပွဲမှာ ကားတွေထက် မလုံ့တလုံ မော်ဒယ်လ်ဂဲလ်တွေကို လူပိုစိတ်ဝင်စား
ဤကဲ့သို့ လုံခြုံစွာ ဝတ်စားထားသဖြင့် ဦးပိုင် ကားပြပွဲကို အမျိုးသား ပရိသတ်များ အားမရကြပေ (ဓာတ်ပုံ - ဧရာဝတီ)

စီးပွားရေးဦးပိုင် ကုမ္ပဏီ လက်အောက်ခံ စက်မှုဇုန်ထုတ် ရမ္မာ ကားပြပွဲမှာ ကားတွေထက် ကားဘေးက လူတွေက ပိုစိတ်ဝင်စားစရာ ကောင်းတယ်လို့ သိရပါတယ်။

အဲဒီကားပြပွဲကတော့ ရန်ကုန် တပ်မတော်ခန်းမမှာ ဇန်နဝါရီ ၂၁ ရက်ကနေ ၂၄ ရက်နေ့အထိ ကျင်းပတာဖြစ်ပါတယ်။

အဲဒီပြပွဲမှာ ကားတစီးကို မော်ဒယ်လ် တဦးနှုန်းနဲ့ ပြထားပြီး ကွက်ကွက်ကွင်းကွင်း မြင်သာအောင် ဖော်ပြထားတဲ့အတွက် ကားတွေထက် လူတွေကိုပို စိတ်ဝင်စားတာပါလို့ ကားပွဲစားတဦးက ပြောပါတယ်။

စစ်အစိုးရက ပြဋ္ဌာန်းထားတဲ့ ဦးတည်ချက်တွေအနက် လူမှုရေးဦးတည်ချက် အဖြစ် အမျိုးဂုဏ်၊ ဇာတိဂုဏ် မြင့်မားရေးနဲ့ ယဉ်ကျေးမှု အမွေအနှစ်၊ အမျိုးသားရေး လက္ခဏာ မပျောက်ပျက်အောင် ထိန်းသိမ်းစောင့်ရှောက်တဲ့အနေနဲ့ အခုလို ကားပြပွဲက မော်ဒယ်လ်တွေကို ဦးပိုင်က စစ်ဗိုလ်ချုပ်တွေကိုတိုင်က Sexy ဖြစ်အောင် ဝတ်စားဆင်ရင်ရမယ်ဆိုပြီး ညွှန်ကြားတယ်လို့ သိရပါတယ်။

စစ်အစိုးရ ထိပ်တန်း စစ်ဗိုလ်ချုပ်တွေထဲမှာ အပါအဝင်ဖြစ်တဲ့ ဗိုလ်ချုပ်တင်ငွေနဲ့ ရန်ကုန်တိုင်း တိုင်းမှူးဗိုလ်မှူးချုပ် ထွန်းသန်းတို့ ၂ ဦး
ကားပြပွဲ ဖွင့်ပွဲအခမ်းအနားကို လာရောက် ကြည့်ရှုစစ်ဆေးတဲ့ ဇန်န၀ါရီ ၂၁ ရက်နေ့ မနက်ပိုင်းတွင်မှာ အဲဒီလို မလုံ့တလုံဝတ်
မော်ဒယ်လ်ဂဲလ် လေးတွေကို မတွေ့ရသေးပါဘူးတဲ့။

သူတို့ ပြန်သွားတော့မှ အဲဒီကောင်မလေးတွေကို ပွဲထုတ်တာ ဖြစ်တဲ့အတွက် ဒီလို မော်ဒယ်လ်ဂဲလ်လေးတွေကို အဲဒီ ဗိုလ်ချုပ်ကြီး တွေက မမြင်ရဲလို့လား၊ မြင်ရင် စိတ်မထိမ်းနိုင် ဖြစ်မှာစိုးလို့လား၊ ဒါမှမဟုတ် သူတို့ မိန်းမတွေကပဲ ခွင့်မပြုလို့လား၊ သူတို့က ဒီထက် ဖော်တာတွေကို မြင်ဖူးနေကြမို့လို့ ပြည်သူလူထု ကြည့်ပါစေဆိုတဲ့ စေတနာနဲ့ သူတို့ပြန်သွားမှ ပွဲထုတ်ခိုင်းတာလား ဆိုတာကို ရန်ကုန်သား တာတေက မေးခွန်းထုတ်နေပါတယ်။

“ဘာပဲ ဖြစ်ဖြစ်ပေါ့နော်၊ သူတို့တွေ ပြန်သွားမှ ထုတ်သည်ဖြစ်စေ၊ မပြန်ခင် ထုတ်သည်ဖြစ်စေ တာတေတို့ကတော့ သဘောကျပါတယ်။ ဘာကြောင့်လဲ ဆိုတော့ပေါ့နော်၊ ကိုတာတေတို့လို ကားမပြောနဲ့ ဆိုက်ကားတောင် အုံနာကြေးမှန်မှန်မပေးနိုင်တဲ့ သူတွေအဖို့ကတော့ အခုလို မြင်ရတာ အရမ်းအရမ်းကို စိတ်ဝင်စားဖို့ကောင်းပါတယ်။ နောက်လည်း ဒီထက်ပိုဖော်ပေးပါလို့ စစ်ဗိုလ်ချုပ်ကြီးတွေကို အကြံပြုပါတယ်” လို့ ကိုတာတေက ဘယ်သူမှ မမေးဘဲ သူ့ဘာသာ ပြောပါတယ်။

ကားပြပွဲလာကြည့်တဲ့ အမျိုးသမီးပရိသတ်ကတော့ ဒီလို ဖော်တာမျိုးကို သဘောမကျဘူးလို့ ဆိုပါတယ်။ အမျိုးသားတွေကတော့ အတိုင်းထက် အလွန် သဘောကျပေမယ့် သိပ်တော့ အားမရဘူးလို့ သိရပါတယ်။

ရမ္မာကားပြပွဲမှာ ကားအမျိုးအစား ၃ မျိုးကို ပြသထားပြီး ရမ္မာ Grade I ကားအမျိုးအစားကတော့ ကျပ် သိန်း ၅၅၀၊ Grade II ကားဆိုရင် ကျပ်သိန်း ၅၀၀၊ Grade III ကားဆိုလျှင် သိန်း ၄၅၀ နဲ့ ရောင်းချပေမယ့် မဝယ်နိုင်တဲ့သူ များတယ် ဆိုတဲ့အကြောင်း၊ ကားတစီးကို သိန်း ၅၀ ကျော် လျှော့ရောင်းတာတောင် ဝယ်တဲ့သူ များမလာတဲ့အတွက် မော်ဒယ်လ်လေးတွေပါ အဆစ်ပေးရင် ဝယ်သူ များနိုင်ကြောင်း ကိုတာတေက သုံးသပ်ပါတယ်။

မဒမ်တာတေကတော့ “ဒါမျိုးတော့ဘယ်ရမလဲ။ ဒင်း ကျမကွယ်ရာမှာမို့လို့ ဒီစကားပြောရဲတာ။ ဆိုက်ကားတော့ မဆွဲဘဲနဲ့ ဒီပွဲကို သွားတာတောင် လွန်လှပြီ။ အိမ်ပြန်လာမှသိမယ်” လို့ ပြောပါတယ်။

မော်ဒယ်လ်လေးတွေကို အဆစ်ပေးမယ့် အစီအစဉ်တော့ မကြားသေးဘူး ဆိုတဲ့အကြောင်း၊ ဒါပေမယ့် အရစ်ကျစနစ်နဲ့ ဝယ်မယ့် သူတွေကို လက်ခံမယ် ဆိုတဲ့အကြောင်း၊ ပထမအသုတ်အနေနဲ့ ကားတန်ဖိုး ၅၀ ရာခိုင်နှုန်းကို ပေးသွင်းပြီး ကားစီးနိုင်ပြီ ဖြစ်တဲ့ အကြောင်း၊ ကျန်တဲ့ ၅၀ ရာခိုင်နှုန်းကိုတော့ လစဉ်ပေး စနစ်နဲ့ ငွေချေနိုင်တဲ့ အကြောင်း ရမ္မာကားပြပွဲ တာဝန်ခံတဦးက ဝမ်းသာအားရ ရှင်းပြပေမယ့် ပြပွဲလာသူများက ကားထက် လူတွေကိုပဲ စိတ်ဝင်စားတယ်လို့ သိရပါတယ်။

စစ်တပ်နဲ့ စစ်ဗိုလ်ချုပ်တွေအတွက် ငွေရှာပေးနေတဲ့ စီးပွားရေးဦးပိုင်လီမိတက်ဟာ ရမ္မာကား ထုတ်လုပ်ရေး အပြင် မြ၀တီဘဏ်၊ ဗိုလ်အောင်ကျော် ဆိပ်ကမ်း၊ လန်းပြီး သင်္ဘောလိုင်း၊ မြ၀တီ ထရေးဒင်း၊ 547 ရောင်းဝယ်ရေးကုမ္ပဏီ၊ Ruby ဈေးဝယ်စင်တာ၊ မြနန္ဒာသောက်ရေသန့်၊ စီးကရက်လုပ်ငန်း၊ ကျောက်မျက်ရတနာတူးဖော်ရေး လုပ်ငန်း၊ ရွှေတူးဖော်ရေးလုပ်ငန်း၊ သစ်တင်ပို့တဲ့လုပ်ငန်း၊ ကားတင်သွင်း ရောင်းချတဲ့လုပ်ငန်း၊ ပါရမီတက္ကစီနဲ့ ခရီးသွားယာဉ်လိုင်းများ အပါအ၀င် စီးပွားရေး လုပ်ငန်းပေါင်းများစွာကို လက်ဝါးကြီးအုပ် လုပ်ကိုင်နေပြီးတော့ အနှိပ်ခန်း၊ ကာရာအိုကေ၊ ညကလပ် တွေကိုပါ နိုင်ငံတကာ စံချိန် စံညွှန်းနဲ့ညီအောင် ဖွင့်လှစ်သွားမယ်လို့ အတည်မပြုနိုင်သေးတဲ့ သတင်းများရဲ့ အဆိုအရ (ဒီလိုရေးလိုက်တော့ မှားလည်း ဘာမှမဖြစ်တော့ဘူးပေါ့) သိရပါတယ်။

ဒါ့အပြင် ဦးပိုင်လီမိတက်ဟာ မြန်မာနိုင်ငံမှာ အခွန်ကင်းလွတ်ခွင့်ရရှိထားပြီးတော့ ဥက္ကဋ္ဌက စစ်ရေးချုပ် ဗိုလ်ချုပ်ခင်ဇော်ဦးဖြစ်ပါတယ်။
ဧရာဝတီသတင်းပို့ စ်မှပြန်လည်ဖော်ပြသည်