အမှန်တရားတွေ နောက်က အမှန်တရားများ !! (၂)

မွန်-ဗမာ အတူယှဉ်တွဲနေထိုင်ရေး( AD 8 -AD 17)
မွန်-ဗမာ အတူယှဉ်တွဲနေထိုင်ရေး ဆိုတာ ယနေ့မြင်တဲ့ အမြင်အတိုင်း လူမျိုးတစ်မျိုးက အင်အားကြီးပြီး ကျန်တစ်မျိုးက အင်အားနဲလို့ တစ်ယောက်က တစ်ယောက်မျက်နှာ ကြည့်ပြီးနေတာမျိုး ကိုမဆိုလိုပါဘူး..။ တစ်ယောက်နဲ့ တစ်ယောက် လေးစားသမှုထားပြီး တစ်ယောက်နဲ့ တစ်ယောက် ပုခုံးချင်းယှဉ်နိုင်လောက်တဲ့ အနေအထားမျိုးကို ဆိုလိုတာပါ..။ ပဒေသရာဇ်ခေတ် ဖြစ်တာနဲ့ အညီ ဒီလူမျိုးနှစ်မျိုးဟာလည်း ရန်စစ်ပြုခဲ့တာပါပဲ..။ ဒါပေမယ့် တစ်ဖက်နဲ့ တစ်ဖက် အပြီးသတ်(မျိုးဖြုတ်)နိုင်လောက်တဲ့ အထိ မကြီးကျယ်ခဲ့ကြပါဘူး..။ ၀န်ခံရမှာကတော့ တပင်ရွှေထီးလက်ထက်မှာ ဟံသာဝတီက မွန်ဘုရင် သုရှင်ဒကာရွတ်ပိကို နိုင်လို့ မွန်-ဗမာပေါင်းစည်းအင်ပါယာ ဖြစ်သွားချိန်က စပြီး သမိုင်းမှာ ဗမာကသာ အထက်ကတောက်လျှောက်ဖြစ်သွားပြီး မွန်တွေ ပြန်ခေါင်းထောင်နဲ့ အကြိမ်အနေနဲ့ တစ်ကြိမ်သာ ရှိပါတော့တယ်..။
တစ်ကယ်တော့ မွန်-ဗမာလူမျိုး နှစ်ခု ထိတွေ့မှုဟာ ဗမာလူမျိုးတွေ မြန်မာနိုင်ငံ အလယ်ပိုင်းကို စတင်ဝင်ရောက် အခြေချပြီးချိန်မှာပဲ စတင်ပါတယ်..။ ဗမာတွေဝင်ရောက်လာတဲ့ ကျောက်ဆည်လွင်ပြင်ကြီးမှာ မွန်နဲ့ ပလောင်လူမျိုးတွေ ရှိနေပြီးသားလို့တောင် ယူဆကြပါတယ်..။ ဒါကြောင့်လည်း မွန်တွေဆီက လယ်ယာစိုက်ပျိုးရေးနဲ့ စာပေအက္ခရာ၊ ယဉ်ကျေးမှုတွေကို သင်ယူနိုင်ပြီး ပျူတွေဆီက ဘာသာစကားကို ရယူနိုင်ခဲ့တယ်လို့ သမိုင်းမှာ မှတ်တမ်းရှိပါတယ်..။ ဒီလိုနဲ့ ပုဂံခေတ်ဖြစ်လာတော့လည်း ရှေ့ပိုင်းကာလ တစ်လျှောက်လုံးမှာ မွန်လက်ရာပုံစံနဲ့ ဘုရားပုထိုးတွေ တည်ခဲ့တာပေါ့..။ သထုံကိုနိုင်လိုက်လို့ မွန်လက်မှုနဲ့ ဗိသုကာပညာရှင်တွေ ရလိုက်တာကလည်း အဲဒါကို ကောင်းကောင်းပံ့ပိုး ပေးနိုင်ခဲ့ပါတယ်..။ ပုဂံခေတ်ကုန်ပိုင်းမှာ မွန်တွေ ပြန်အင်အားကောင်းလာပြီး မဂဒူးမင်းဆက်(ခေါ်) ၀ါရီရူးမင်းဆက်ကို ထူထောင်ပြီး ခေတ်ပြိုင်ဖြစ်တဲ့ ဗမာတို့ရဲ့ အင်းဝမင်းဆက်နဲ့ စစ်ခင်းခဲ့ရာမှာ သမိုင်းတွင်တဲ့ အင်းဝ-ဟံသာဝတီ နှစ်လေးဆယ်စစ်ကြီး ဖြစ်ခဲ့ပါတယ်..။ ဒါပေမယ့် နှစ်လေးဆယ်ဆိုတာက အဓိက စစ်ဘုရင်များ ဖြစ်ကြတဲ့ မွန်ဘုရင် ရာဇာဓိရာဇ် နဲ့ အင်းဝက မင်းကြီးစွာစော်ကဲ၊ ဘုရင်မင်းခေါင်တို့ သက်တမ်းတစ်လျှောက်သာ ဆိုလိုပြီး နောက်ပိုင်းနန်းတက်တဲ့ နှစ်ဖက်သော မင်းများကလည်း အသီးသီးအပြန်အလှန် စစ်ခင်းကြတာကြောင့် တော်တော်ကို ကြာတဲ့ စစ်ပွဲတွေ လို့ပြောနိုင်ပါတယ်..။ ဒီကာလတွေအတွင်းမှာ မွန်က ဗမာကကို အသာရခဲ့တာမျိုးတွေ ရှိသလို၊ ဗမာက မွန်ကို ကောင်းကောင်း အသာစီးရတာတွေလည်း ရှိခဲ့ပေမယ့် အထက်မှာပြောခဲ့သလိုပဲ အပြီးအပြတ် အောင်ပွဲမခံခဲ့ကြပါဘူး..။ တစ်ဖက်ကိုတစ်ဖက် ညှာကြတယ်လို့ပြောရင် ရမလားပဲ..။ ရာဇာဓိရာဇ် အင်းဝကို ၀ိုင်းပြီးတပ်ချခဲ့ ပေမယ့် အင်းဝဖက်က ပင်းယစကြိုသူမြတ်လို့ ခေါ်တဲ့ရဟန်းတစ်ပါးရဲ့ အရေးဆိုမှုကြောင့် တပ်ပြန်ဆုတ်ပါတယ်။ နောက်ပိုင်း မှာလည်း ဘုရင်မင်းခေါင်ရဲ့ညီ မင်းသိဒ္ဒတ်တစ်ယောက် အစ်ကိုနဲ့ မတည့်လို့ မွန်ဖက်ကို ဘက်ပြောင်းတော့လည်း ရာဇာဓိရာဇ်က ကောင်းကောင်းထားတာပါပဲ..။ နောက်ပိုင်းမှသာ အရေးကိစ္စ မအောင်မြင်အောင် ဖျက်စီးတာကြောင့် သတ်တာက တစ်ပိုင်း ပေါ့လေ..။ မွန်ဖက်က အမတ်ဒိန်နဲ့ အင်းဝဖက်က အမတ်ဖိုးရာဇာတို့ ပညာရှိချင်း အခြေတင်စကားပြိုင်ဖက် ဆိုကြတာကလည်း သမိုင်းမှာ ကျော်ကြားပါတယ်..။ အင်းဝမှာ မိဖုရားအကြာကြီး သွားဖြစ်ပြီး ပြန်ရောက်လာတဲ့ ရှင်စောပုကိုလည်း မွန်တွေက လိုလိုလားလားနဲ့ ဘုရင်မကြီးအဖြစ် လက်ခံကြပါတယ်..။ ဒါတွေကိုကြည့်ခြင်းအားဖြင့် မွန်နဲ့ ဗမာဟာ ခေါင်းဆောင်ပိုင်းတွေရဲ့ အတ္တကြောင့်သာ စစ်တွေခင်းကြပေမယ့် တစ်ဖက်နဲ့တစ်ဖက် တူးတူးခါးခါး မုန်းတီးတာမျိုး မရှိဘူးဆိုတာ သိသာပါတယ်..။
ဘုရင့်နောင်လက်ထက်မှာလည်း မွန်ကို သွေးရင်းလို သဘောထားပါတယ် ဆိုတဲ့ အပြောနဲ့ အုပ်ချုပ်ခဲ့ပါတယ်..။ သူ့အင်ပါယာထဲက အဓိကကျတဲ့ လူမျိုးတွေထဲက တစ်မျိုးဆိုတာ အသိအမှတ်ပြုတဲ့အနေနဲ့ အမိန့်ပြန်တမ်းတွေထုတ်ရင် မွန်၊ဗမာ၊ ယွန်း၊ရှမ်း ဘာသာတွေနဲ့ ထုတ်ပါတယ်..။ သူ့လက်ထက်မှာ အရည်အချင်းရှိလို့ မြှောက်စားထားတဲ့ ဗညားဒလဆိုတဲ့ မွန်အမတ်ကြီးဟာ ကျော်ကြားပါတယ်..။ ဘုရင့်နောင်ကို လုပ်ကြံဖို့ အကြိမ်ကြိမ် ကြိုးစားကြောင်း ထင်ရှားသည့်တိုင် ဘုရင့်နောင်က ခွင့်လွတ်ခဲ့ပါသေးတယ်..။ နောက်ဆုံး အမှုထမ်းရာမှာ တာဝန်မကျေတာကြောင့် ပြည်နှင်ဒဏ်ပေးခံရပြီး ရောဂါနဲ့သေပါတယ်..။ တပင်ရွှေထီးလမ်းစဉ်အတိုင်း မွန်တွေရဲ့ မင်းနေပြည်တော်ဖြစ်ခဲ့တဲ့ ဟံသာဝတီ(ပဲခူး)မှာပဲ နန်းစိုက်တာ၊ မွန်မှုးမတ်တွေကို ဗမာမှုးမတ်တွေနဲ့ တန်းတူယုံကြည်အားထားကြောင်း ပြတဲ့အနေနဲ့ စစ်တိုက်ထွက်တိုင်း ဟံသာဝတီမြို့တော်မှာ မြို့စောင့်အဖြစ် မွန်နဲ့ ဗမာအမတ်၊ စစ်သူကြီးတွေကို အရေအတွက် အညီအမျှ ထားခဲ့တာတွေကို ကြည့်ခြင်းအားဖြင့် ဗမာနဲ့မွန်ဟာ ဒီအချိန်အထိလည်း မမုန်းကြဘူးလို့ ကောင်းကောင်းနားလည်နိုင်ပါတယ်..။
ညောင်ရမ်းခေတ် ရောက်တော့ လည်းအနောက်ဖက်လွန်မင်းနဲ့ သာလွန်မင်းတို့လက်ထက်မှာလည်း မွန်နဲ့ဗမာတွေဟာ အေးအေးချမ်းချမ်း ဆက်ပြီးအတူနေကြပါတယ်..။ ညောင်ရမ်းခေတ် နောက်ဆုံးပိုင်းမှာတော့ အုပ်ချုပ်သူတွေရဲ့ ညံ့ဖျင်းမှု၊ ရာသီဥတု ဆိုးဝါးလာလို့ စိုက်ပျိုးရေး မဖြစ်ထွန်တာတွေကြောင့် ဗဟိုအာဏာလျော့ရဲလာပြီး အားနည်းသွားပြီလို့ထင်ရာတဲ့ မွန်တွေဟာ တစ်စစနဲ့ အင်အား ပြန်စုစည်းမိ သလို ဖြစ်လာပါတယ်..။ ဒါပေမယ့် မွန်တွေရဲ့ အင်အားကို နှိုးဆွပေးတာကတော့ ဗမာအုပ်ချုပ်သူတွေ ကိုယ်တိုင်ပဲ ဖြစ်ခဲ့ပါတယ်..။ ဗမာလူမျိုး ဟံသာဝတီမြို့ဝန်က အင်းဝကို ပုန်ကန်တာ၊ ပုန်ကန်တဲ့မြို့ဝန်ကို မွန်တွေက ပြန်သတ်လို့ ပုန်ကန်မှုပြီးပေမယ့် စစ်ဆေးတဲ့ အရာရှိက တိကျသေချာစွာ မစစ်ဆေးဘဲ သေဒဏ်ရက်ရက်ရောရောကြီး ပေးတာကြောင့် မွန်တွေ မဖြစ်မနေ ထပ်ပုန်ကန်ရပါတော့တယ်..။ ပုန်ကန်မှုကို ခေါင်းဆောင်ဖို့ ခေါင်းဆောင်ရှာတော့လည်း ဗမာ-ကရင်ကပြားဖြစ်မယ်လို့ မှန်းဆရတဲ့ ဆင်ကြားရှင်ကို နန်းတင်ကြပါတယ်..။ နောက်တော့ အချိန်လေးရှိတိုင်းရှိတိုင်း ဆင်ပဲဖမ်းထွက်နေတာကြောင့် နန်းတော်မှာလည်း နေပါဦး ဆိုပြီးပြောဖို့ နောက်ကလိုက်ခေါ်တာကို ပုန်ကန်တာလို့ထင်ပြီး ကြောက်ကြောက်နဲ့ ဇင်းမယ်(ချင်းမိုင်)ကို ထွက်ပြေးသွားရှာတယ်..။ သူမရှိတော့လို့ ဗမာလူမျိုးစစ်သူကြီး လက်ယာဗိုလ်ဆိုတဲ့သူကို နန်းအပ်ပေမယ့် သူကလည်း ဘုရင်မလုပ်ချင်ဘူးပြောပါတယ်..။ ဒါနဲ့ပဲ အားလုံးက ဆင်ကြားရှင်နဲ့ ယောက္ခမတော်တဲ့ ဗညားဒလဘွဲ့ခံထားတဲ့ ဆင်ဝန်ဦးအောင်လှကို ပရိုမိုးရှင်းပေးပြီးဗြမိုင်းဓိရာဇာ ဆိုတဲ့ဘွဲ့နဲ့ မွန်ဘုရင်အဖြစ် နန်းတင်လိုက်ကြပါတယ်..။ အမှန်မှာ ဦးအောင်လှ ဆိုတာက ဇင်းမယ်ရှမ်းပါ..။ အင်းဝမင်းဆီမှာ အမှုလာထမ်းရာက ဆင်ဖမ်းကျွမ်းကျင်လို့ ဆင်ဝန်ခန့်ပြီး ပဲခူးမှာ ဆင်လာဖမ်းခိုင်းထားရာက အခြေအနေပေးလို့ မွန်ဘုရင်ဖြစ်သွားသူပါ..။ သူ့လက်ထက်မှာတော့ အင်အားရှိနေတဲ့ မွန်တွေဟာ အင်အားယုတ်လျော့နေတဲ့ အင်းဝက ညောင်ရမ်းမင်းဆက်ကို အပြီးတိုင်ဖြိုလှဲ နိုင်ပါတော့တယ်..။ ညောင်ရမ်းဆက်ရဲ့ နောက်ဆုံးဘုရင်မဟာဓမ္မရာဇာဓိပတိ ကို ဟံသာဝတီမှာ အကျယ်ချုပ်နဲ့ ထားပါသေးတယ်..။ နောက်ပိုင်း ဟံသာဝတီနန်းတွင်းက ဗမာမှုးမတ်တွေက အင်းဝဘုရင်ဟောင်းကို ခေါင်းဆောင်ထားပြီး ပုန်ကန်မှာကို စိုးလို့ ရေချကွပ်မျက်လိုက် ပါတယ်..။ အင်းဝမှာတော့ မွန်လူမျိုးစစ်သူကြီး တလပန်းကို မြို့စောင့်နန်းစောင့် ထားပြီးဟံသာဝတီကနေ အုပ်ချုပ်ပါတယ်..။ ဒီအချိန်မှာပဲ ဦးအောင်ဇေယျက မုဆိုးဖိုရွာကနေ တော်လှန်နေပါပြီ..။ တတလပန်း သွားပြီးတိုက်ပေမယ့် လျော့တိလျော့ရဲနဲ့မို့ မနိုင်ပါဘူး..။ အထင်သေးထားတာကြောင့်လည်း ပါပါတယ်..။
ဖြစ်ချင်တော့ မွန်နိုင်ငံရဲ့ အရှေ့ဖက်နယ်စပ်ကို ထိုင်းက လာပြီး တိုက်ခိုက်တာက တစ်ကြောင်း၊ မွန်ဘုရင်ဦးအောင်လှရဲ့ ညီနဲ့ အမျိုးတွေက တလပန်းကို မနာလိုလို့ ကုန်းတိုက်တာကို ယုံတာရယ်ကြောင့် တစ်ကြောင်း တလပန်းကို ပြန်ခေါ်ပြီး စစ်တပ်နဲ့ ထိုင်းကို တိုက်ခိုင်းပါတယ်..။ ဒီအဖြစ်အပျက်ဟာ သမိုင်းရဲ့ အလှည့်အပြောင်းပါပဲ..။ အင်းဝမှာ မြို့စောင့်ဖြစ်လာတဲ့ ငွေခွန်ဝန်မှုး ဆိုတဲ့သူဟာ တလပန်းလောက် အရည်အချင်း မရှိတာကြောင့် မုဆိုးဖို ပုန်ကန်မှုကို မဟန့်တားနိုင်တော့ပဲ.. မွန်တွေ တစ်ရှုံးတည်းရှုံး၊ တစ်ဆုတ်တည်းဆုတ်ပြီး ပျက်စီးချင်းကို ဆိုက်ရပါတော့တယ်..။ နောက်တော့ ထိုင်း(အယုဒ္ဒယ၊ ယိုးဒယား)လည်း ဒီရဲ့ နောက်ဆက်တွဲ အဖြစ် အယုဒ္ဒယပါ အတိုက်ခိုက်ခံရပါသေးတယ်..။ သူမွှေးတဲ့မီး သူ့ကို ပါပြန်လောင်တယ် ပြောရမလားပဲ..။ ဒီကနေစပြီး အလောင်းဘုရား အကြောင်းကို ပြောပါတော့မယ်..။
၃။အလောင်းဘုရား
သာမန် ရွာသူကြီးဘ၀ကနေ စစ်တိုက်ကောင်းလို့ ဘုရင်ဖြစ်လာတဲ့သူ ၊ တတိယမြန်မာနိုင်ငံတော်ကြီးကို တည်ထောင်သူ စသဖြင့် အသိများပါတယ်..။ ဗမာတွေအတွက်တော့ ကယ်တင်ရှင်ကြီးပဲပေါ့..။ သူမှသာ မကယ်ရင်လည်း ဒီကနေ့ မြန်မာနိုင်ငံမှာ ဗမာဆိုတဲ့ လူမျိုးက သာမန်တိုင်းရင်းသားတစ်မျိုးပဲ ဖြစ်နေပြီး ဦးဆောင်သူနေရာက ဘယ်နေနိုင်ပါ့မလဲ..။ ဒါပေမယ့် လူတွေသိပ်မပြောကြ၊ သိပ်မသိကြတာက သူ့စစ်လိုလားမှုနဲ့ လူမျိုးရေးဝါဒကြောင့်ပဲ အထက်ကပြောခဲ့တဲ့ မွန်-ဗမာ ယှဉ်တွဲနေထိုင်ရေးလည်း ခေတ်ကုန် သွားပါတယ်..။ ဒါတွေကို မပြောခင် အလောင်းဘုရားရဲ့ ညံ့ကွက်လေးတွေ နဲနဲပြောချင်ပါတယ်..။ သူ့မကောင်းကြောင်း ပြောတာမျိုးတော့ မဟုတ်ပါဘူး..။ လူတွေသိပ်မသိကြတဲ့ သူ့အားနည်းချက်တွေကို သိအောင်ပြောပြချင်တာပါ..။ သမိုင်းဆိုတာ ရေးထားသမျှသော ကောင်းတာတွေကြီးပဲ သိပြီး ထိန်ထား၊လျှိုထားတဲ့ မကောင်းတာကိုကျ မဖော်ထုတ်၊ မလေ့လာဘူးဆိုရင်တော့ ခြေတစ်ပေါင်ကျိုးနဲ့ လမ်းလျှောက်သလို ဖြစ်နေမယ်လို့ သဘောရလို့ပါ..။
ဦးအောင်ဇေယျဆိုတဲ့ ခေါင်းဆောင်ဟာ သာမန်အရပ်သားခေါင်းဆောင်ဘ၀ကနေ တိုင်းပြည်ရဲ့ ခေါင်းဆောင်ဖြစ်လာတော့ ရှေးအစဉ်အဆက် လိုက်နာလာတဲ့ နန်းတွင်းထုံးစံတွေကို မသိနားမလည်ဘူးပေါ့…။ ဒါနဲ့ပဲ နီးစပ်ရာတွေက အကြံပေးတဲ့အတိုင်း ကျမ်းစာတွေကို ကိုးကားပြီး စကြာဝဠာတည်ပုံ နဲ့ စကြာဝတေးမင်းနေပုံတွေကို အတုယူပြီး နန်းတည်လိုက်ပါတယ်..။ ဒါဟာ မြန်မာ့သမိုင်း တစ်လျှောက်မှာ ဒီတစ်ကြိမ်ပဲဖြစ်ဖူးခြင်းပါ..။
နောက်ပြီး စစ်တိုက်ထွက်မယ်လုပ်တော့ သားတော်ကြီးကို နန်းစောင့်ထားပါတယ်..။ အဖေမရှိတုန်းမင်းဟာ (၁)မြို့တော်ကို မီးမခစေနဲ့။ (၂)ရေအလုံအလောက်ရပါစေ။ (၃)ရဟန်းသံဃာတွေကို ဆွမ်းမပြတ်ပါစေနဲ့။ (၄)ခိုးသားတွေရှိခဲ့ရင် နှိပ်ကွပ်ပါ။..ဆိုပြီး မှာကြားပါတယ်..။ ဒါတွေဟာ မင်းဧကရာဇ်တစ်ပါးက သူ့ကိုဆက်ခံမယ့် သားတော်ကြီးကို သင်ပေးတဲ့ ပညာတွေတော့ မဟုတ်ပါဘူး..။ သာမန်လူကြီး တစ်ယောက်က လူငယ်တစ်ယောက်ကို သွန်သင်တာနဲ့ တူနေပါတယ်..။
မွန်တွေကို အနိုင်တိုက်ဖို့ ဗမာတွေကို စည်းရုံးချိန်မှာ “ငါဟာ ဘုရားအလောင်းတော်လည်းဖြစ်၊ ဗမာတွေရဲ့ ခေါင်းဆောင်လည်းဖြစ်တယ်..။ ဒါကြောင့် ငါ့နောက်မလိုက်တာဟာ ဗမာတွေအားလုံးနဲ့ မညီညွှတ်တာ၊ ပုန်ကန်တာ၊ ဆန့်ကျင်တာပဲ ဖြစ်တယ်”…လို့ ကြေညာချက် ထုတ်ပါတယ်..။ အဲဒီခေတ်အခါက တော်တော်ကို တာသွားမယ်လို့ထင်ပေမယ့် ဘာသာရေးကျမ်းစာမှာ နဲနဲလောက်ပဲ တတ်တယ်ဆိုရင်ကို ဒီကြေညာချက်ဟာ စလိုက်တာနဲ့ကိုက မှားနေတယ်ဆိုတာ သိသာလွန်းပါတယ်..။ အနည်းဆုံး လေးအင်္သချေနဲ့ ကမ္ဘာတစ်သိန်း ပါရမီဖြည့်ကြတဲ့ ဘုရားလောင်းတွေဟာ ဘယ်ဘ၀မှာမှာ ကိုယ့်ကိုယ်ကို ဘုရားလောင်းပါလို့ သိလည်းမသိ၊ ကြွေးလည်းမကြွေးကျော် ခဲ့ဖူးပါဘူး..။ (၅၅၀)ဇာတ်နိပါတ်တွေ ထဲမှာတော့ အကြောင်းသင့်လို့ လူတွေရဲ့ကောင်းကြိုးအတွက် စစ်တိုက်ရာမှာ ဦးဆောင်ခဲ့ရတာမျိုး တော့ရှိခဲ့ဖူးပါတယ်..။ ဒါကြောင့် အစမှားနေတဲ့ ကြေညာချက်ကို ထုတ်ပြန်တဲ့ အလောင်းဘုရားဟာ ??? ။ ဒါပေမယ့် စဉ်းစားစရာ တစ်ချက်တော့ ရှိနေပြန်ပါတယ်..။ ဗုဒ္ဓဘာသာကို ကိုးကွယ်ကြတဲ့ ဗမာတွေကို ဦးဆောင်ပြီး ဗုဒ္ဓဘာသာကိုပဲ ကိုးကွယ်ကြတဲ့ မွန်တွေကို စိတ်ဓါတ်စစ်ဆင်ရေး တစ်ရပ်အနေနဲ့ လုပ်တယ်လို့လည်း တွေးရင်ရပါတယ်..။ ဒါပေမယ့် အထက်ကပြောသလို အစမှားနေတဲ့ ကြေညာချက်နဲ့ ဘာသာရေးကို ခုတုံးလုပ်ပြီး စိတ်ဓါတ်စစ်ဆင်ရေးလုပ်တာကတော့ …???။ (မှတ်ချက်။ ။??? လုပ်ထားသည်များ မှာ ကိုယ့်အတွေးနဲ့ ကိုယ်သာ ချင့်ချိန်စဉ်းစားရန်ဖြစ်ပါသည်..။ ကျွန်တော် ဝေဖန်ချက် မပေးတော့ပါ..။)
ဒါတွေကို အသာထားလို့ မွန်တွေကို နှိမ်နှင်းပုံနဲ့ ပတ်သက်ပြီး ပြောရရင်တော့ တော်တော်ကြီးကို ရက်စက်တယ်လို့ သမိုင်းဆရာတွေက ပြောကြပါတယ်..။ မွန်ဘုရင် ဦးအောင်လှက အလောင်းဘုရားတပ်တွေ ပြည်မြို့ကို သိမ်းပြီးပြီလို့ ကြားတော့ “ဗမာမှန်ရင် ပုခက်တွင်းပါ မကျန်စေနဲ့လို့”….အမိန့်ပေးတယ်လို့ သမိုင်းက ပြောပါတယ်..။ ဒါပေမယ့် လက်တွေ့မှာတော့ ပြောင်းပြန်ဖြစ်သွားသလားပဲ..။ အလောင်းဘုရားခေတ် မတိုင်ခင် ၁၇၅၀-၇၀ခုနှစ် ၀န်းကျင်က မွန်တွေနေတဲ့ ဧရိယာ(မွန်နိုင်ငံ)ဖြစ်တဲ့ ဟင်္သာတကနေ မုတ္တမ ထိရှိတဲ့ နယ်ပယ်ကြီးဟာ အင်္ဂလိပ်ဝင်လာတဲ့ ၁၈၅၀ခုနှစ် ၀န်းကျင်ကာလမှာတော့ မွန်တွေမရှိသလောက်ဖြစ်နေပြီး ဗမာနဲ့ ကရင်တွေသာ များတာ တော်တော်ကို ထူးဆန်းနေပါတယ်..။ ဒီလောက်များတဲ့ လူဦးရေတွေဟာ နှစ်တစ်ရာဆိုတဲ့ ကာလအတွင်း၊ မျိုးဆက်အားဖြင့် ၃-၄ဆက်အတွင်းမှာပဲ ဘယ်တွေရောက်ကုန်သလဲ ဆိုတာ မေးစရာကြီး ဖြစ်နေပါတယ်..။ ရှင်းရှင်းပြောရရင် သတ်လို့ ကုန်တာလည်းကုန်၊ သေဘေးက လွတ်ရာပြေးရင်း ထိုင်းဖက်ကိုရောက်တဲ့ သူတွေလည်းရောက်၊ သွေးအနှောခံရလို့ မျိုးဆက် တိမ်ကောပြီး လူမျိုးပြောင်းသွား တာလည်းရှိ လို့ခြုံငုံသုံးသပ်ရင် လုံးဝမမှန်ဘူးဆိုရင်တောင်အမှန်လောက်နီးနီး နီးစပ်မယ်ထင်ပါတယ်…။ ခပ်တိုးတိုးကြားရတဲ့ ပါးစပ်သမိုင်းတွေမှာတော့ မွန်ရွာတွေမှာ ဗမာသူကြီးတွေခန့်ပြီး လွတ်လွတ်လပ်လပ် အုပ်ချုပ်ခွင့် ပေးတယ်လို့ဆိုပါတယ်..။ သူ့ကို ကာကွယ်ပေးမယ့် လုံခြုံရေးတပ်သားလည်း အလုံအလောက်ရှိတယ်လို့လည်း ပြောကြပါတယ်..။ လွတ်လွတ်လပ်လပ်အုပ်ချုပ်ရေး ဆိုတာ ဘယ်အတိုင်းအတာထိကို ဆိုလိုတာလဲဆိုတာကတော့ ???…။ နောက်ပြီး မွန်တွေရဲ့ လယ်ယာမြေ ပိုင်ဆိုင်ခွင့်ကိုလည်း ကန့်သတ်တယ်၊ ချုပ်ချယ်တယ်လို့လည်း ဆိုကြပါသေးတယ်..။ သွေးနှောပြီး မျိုးဆက်တိမ်ကောသွားအောင် လုပ်ဖို့ကတော့ ???…။ ဒီလိုတင်းကျပ်ပြီး အနိုင်အထက်ဆန်တဲ့ လူမျိုးရေးစစ်ဆင်မှု ကြောင့်သာ မဟုတ်ရင်တော့ မွန်လူမျိုးတွေဟာ ဒီလောက်မြန်မြန် ဒီနေရာတွေကနေ ပျောက်ကွယ်မှာ မဟုတ်ဘူးလို့ ကျွန်တော်ကတော့ နားလည်ထားတာ ပါပဲ..။
ဒါကတော့ ကျွန်တော် မြင်ထားတဲ့ အလောင်းဘုရားရဲ့ အားနည်းချက်နဲ့ ??? တွေပေါ့ဗျာ..။ လက်ခံမယ့်သူရှိသလို လက်မခံတဲ့သူလည်း များနိုင်ပါတယ်..။ လက်မခံရင်လည်း လွတ်လွတ်လပ်လပ် ပြန်ပြီး ချေပနိုင်၊ ငြင်းခုန်နိုင်ပါတယ်..။ ဒါပေမယ့် အထောက်အထားတော့ ရှိရမှာပေါ့ဗျာ…