မွန်ဒေသလုံး ဆိုင်ရာ ဒီမိုကရေစီပါတီမှ မွန်ပြည်နယ်နှင့် ကရင်ပြည်နယ်တို့တွင် ၃၄ နေရာ ၀င်ရောက်ယှဉ်ပြိုင်သည့် အနက် ၁၆ နေရာ အနိုင်ရခဲ့သည်ဟု မွန်ဒေသလုံး ဆိုင်ရာ ဒီမိုကရေစီပါတီ၏ ပြောဆိုချက်အရ သိရှိရသည်။ မွန်ပြည်နယ်တွင် ၁၅ နေရာနှင့် ကရင်ပြည်နယ်တွင် ၁ နေရာ အနိုင်ရခြဲ့ခင်းဖြစ်သည်ဟု သိရသည်။
(မွန်ဒေသလုံးဆိုင်ရာ ဒီမိုကရေစီပါတီ ရုံးခန်းတွင်တွေ့ရသော အမတ်လောင်း ဦးလှခိုင်)
ကော်မရှင်မှ တရားဝင် ထုတ်ပြန်ကြေညာခြင်း မရှိသေးသော်လည်း ပါတီဘက်မှ စုဆောင်းရရှိထားသည့် စာရင်းများအရ ယခုကဲ့သို့ ၁၆ နေရာ အနိုင်ရသည်ဟု သိရှိရခြင်း ဖြစ်သည်။
ဒေသဆိုင်ရာ အာဏာပိုင် ၊ အုပ်ချုပ်ရေး အာဏာ ရယူထားသည့် ပ၀တ၊ မ၀တ၊ ရယက ရာအိမ်မှူုး ၊ ဆယ်အိမ်မှူး နှင့် ကြံ့ဖွံ့ပါတီစည်းရုံးရေးမှူးများအားလုံး ကြံ့ဖွံ့အနိုင်ရရေး အတွက် ၀ိုင်းဝန်းကာ ကြံစည်လုပ်ဆောင်ပေးခဲ့ကြရသလို၊ အာဏာပိုင်များ ဖြစ်သည့်ရဲ၊ ထောက်လှမ်းရေးနှင့် စစ်တပ်တို့ကလည်း ကြံ့ဖွံ့ပါတီ အနိုင်ရရေးလုပ်ဆောင်မှုများကို ကာကွယ်ပေးခဲ့ကြသည်။
တပြိုင်နက်တည်းတွင် အာဏာပိုင်များက ပြိုင်ဖက်အင်အားစုများ၊ လူမျိုးစုပါတီများ၏ စည်းရုံးရေး လုပ်ဆောင်မှုများအား ဟန့်တား၊ နှောက်ယှက်ပေးခဲ့ကြရသည်။ ရွေးကောက်ပွဲ ကော်မရှင်ကလည်း ၄င်းတို့ထုတ်ပြန်ထားသည့် ရွေးကောက်ပွဲ ဥပဒေ၊ နည်းဥပဒေများကို ကြံ့ဖွံ့ပါတီက ချိုးဖောက်နေသော်လည်း မမြင်ယောင်ဆောင်နေပေး ခဲ့ပြီး ထိုလုပ်ရပ်များအား အခြားပါတီများက ကန့်ကွက်၊ တိုင်ကြားလာလျင်လည်း အရေးမယူပဲ၊ လျစ်လျူရှုနေပေးခဲ့သည်ကိုတွေ့ရသည်။
(မွန်ဒေသလုံးဆိုင်ရာ ဒီမိုကရေစီပါတီ ရုံးခန်း)
ထိုသို့သော ဘက်လိုက်မှု ခြိမ်းခြောက်မှု များအကြားမှ ယခုလို မွန်ဒေသလုံးဆိုင်ရာ ဒီမိုကရေစီပါတီ က ၁၆ နေရာအနိုင်ရခဲ့ခြင်းဖြစ်သည်။ မွန်ဒေသလုံးဆိုင်ရာဒီမိုကရေစီပါတီအား မဲပေးသူအားလုံးမှာ မွန်လူမျိုးချည်းမဟုတ်သည်ကို တွေ့ရသည်။ မွန်ပြည်နယ်တွင် နေထိုင်ကြသည့် မူဆလင်ဘာသာဝင် များ၊ ကရင်လူမျိုးများ၊ မြန်မာလူမျိုးများလည်း ထောက်ခံမဲပေးခဲ့ကြသည်။
(မွန်ဒေသလုံးဆိုင်ရာ ဒီမိုကရေစီပါတီဝင်များ)
မူဆလင်ဘာသာဝင် တဦးက ပြောရာတွင်
“ကျွန်တော်တို့ ၈၈ တုန်းက အရေးအခင်းမှာလည်း ပါဝင်လှုပ်ရှားခဲ့တယ်။ နောက် အန်အယ်လ်ဒီပါတီဝင် ဖြစ်ခဲ့တယ်။ အခုရွေးကောက်ပွဲမှာ ဘယ်သူ့ကိုမဲပေးမလဲ ဆိုတာကျွန်တော်တို့ အချင်းချင်းတိုင်ပင်ပြီး ဒီပါတီကို ထောက်ခံကူညီဖို့ ဆုံးဖြတ်ခဲ့တာပါ”
ဟုပြောသည်။
THIS POST WAS COPYING FROM MOEMAKA BURMESE NEWS,,
No comments:
Post a Comment