မွန်လူမျိုးရေးရာအဖွဲ့ချုပ်မှ ဦးစီးသောမွန်အမျိုးသားညီလာခံ
မွန်လူမျိုးရေးရာအဖွဲ့ချုပ်မှ ဦးစီးကျင်းပသော မွန်အမျိုးသားညီလာခံကို ၁၉၄၇ ခုနှစ်ကုန်ကာနီးတွင် မုဒုံမြို့ နယ်ဖါးအောက်ကျေးရွာတွင် ၃ ရက်တိုင်တိုင်စီကားသိုက်မြိုက်စွာကျင်းပသည်၊ ၄င်းညီလာခံကို မွန်ဒေသရှိ မွန်အမျိုးသားပေါင်း ထောင်ပေါင်းများစွာတက်ရောက်ခဲ့သည်။
ပထမနေ့တွင် ယာယီအလုပ် အမှုဆောင်အဖွဲ့၏ နိုင်ငံရေးအစီရင်ခံစာတင်သွင်းပြီး ဒုတိယနေ့တွင် ကိုယ်စားလှယ်များ၏ ဝေဖန်ချက်များသုံးသပ်ချက် ပြင်ဆင်ချက်များပြုလုပ်သည်၊ ရှေ့လုပ်ငန်းစဉ်ကို ဆွေးနွေးသည်၊ တတိယနေ့တွင် အလုပ်အမှုဆောင်အသစ် ရွေးကောက်တင်မြောက်သည်၊ အမှုဆောင်သစ်မှာ- ဥက္ကဌ -နိုင်လှမောင် ဒု-ဥက္ကဌ -မွန်သခင်ကြီး၊ နိုင်မြအောင် အထွေထွေအတွင်းရေးမှုး -နိုင်ငွေသိမ်း တွဲဘက် ၊ -နိုင်သိန်းမောင် ပြန်ကြားရေး -နိုင်ဘလွင် ဘဏ္ဍာရေးမှုး -နိုင်သာနှင်း စာရင်းစစ် -နိုင်သာဟန် စည်းရုံးရေး -နိုင်စိန်ထွန်း(ဖဲကဒါ) အမျိုးသမီးဌာနမှုး -မိဟံသာ အလုပ်သမားဌာနမှုး -နိုင်စိန်ထွန်း လယ်သမားဌာနမှုး -မွန်စံသူ လူငယ်ဌာနမှုး -နိုင်ဘညွန့်နှင့် နိုင်ထွန်းဝင်း၊ နိုင်ဘိုးကောင်း၊ နိုင်ကြောင်၊ မွန်ဆရာတင် စသော အလုပ်အမှုဆောင်များကို ရွေးကောက်တင်မြောက်ကြသည်၊
ထိုညီလာခံတွင် တခုတည်းသော အဆိုကိုတင်သွင်းဆုံးဖြတ်သည်၊ ၄င်းအဆိုမှာ- (မွန်အမျိုးသားများသည် မိမိတို့လူမျိုးတမျိုးအဖြစ် တည်ရှိနေသည့်အလျောက် မိမိတို့အမျိုးသားယဉ်ကျေးမှု ကို ထိန်းသိမ်းရန်အချက် (၇) ချက်ပါသော တောင်းဆိုချက်ကို ဖဆပလအစိုးရထံ တင်ပြတောင်းဆိုသည်၊ ထိုတောင်းဆို ချက်ကိုဖဆပလအစိုးရက ပယ်ချခဲ့သဖြင့် ဤညီလာခံကြီးက ဝမ်းနည်းကြောင်း မှတ်တမ်း တင်ကြောင်း ထိုသို့ပယ် ချခြင်းခံရသည့်အတွက်မွန်အမျိုးသားတို့၏ ရှေ့ဆက်လုပ်ရန်မှာ မွန်အမျိုးသားတို့၏ ကိုယ်ပိုင်ပြဌာန်းခွင့်ဖြစ်သော မွန်ပြည်ကို တည်ဆောက်ရန် ဒီမိုကရေစီနည်းအရ တောင်းဆိုတိုက်ပွဲဝင်သွားရန် ဆုံးဖြတ်ကြောင်း အကယ်၍ ဒီမိုကရေစီနည်း အရတောင်းဆိုခွင့်ကို အာဏာရအဖွဲ့အစည်းမှ ပိတ်ပင်လျှင် ရသည့်နည်းဖြင့် နည်းလမ်းရှာကြံလုပ်သွားရန်၊
PAGE - 3/4
No comments:
Post a Comment