ပညာခေတ်နှင့် ပညာလူသား
ယနေ့ခေတ်ကို အများကပင် ပညာခေတ်ဟု သတ်မှတ်ကြသည်။ သိစရာမှတ်စရာ တတ်စရာ နယ်ပယ်အရပ်ရပ်မှ ဗဟုသုတ သတင်းအချက်အလက်များမှာ စက္ကန့်နှင့်အမျှ အသစ် အသစ်တွေ့ရှိ တိုးပွားနေသည်။ ဗဟုသုတ သတင်းအချက်အလက်၏ လျှင်မြန်လွန်းလှသည့် အရှိန်အဟုန်ကို ဒိုင်းနမိုက်ဟုပင် တင်စားပြောဆိုကြသည်။ ဤပညာခေတ်၏ အဓိကပင်မ အသက်သွေးကြောမှာ အိုင်စီတီနည်းပညာပင် ဖြစ်သည်။ အဝေးပြော ဆက်သွယ်မှုအမျိုးမျိုး တိုးတက်လာခြင်းကြောင့် ကမ္ဘာသည် `ရွာ´ ဆန်သွားခဲ့သည်မှာ ကြာပြီ။ တဖန်အိုင်စီတီနည်းပညာ ဖွံ့ဖြိုးမှုကြောင့် ကမ္ဘာသည် `ပြား´၍ သွားပြန်သည်။ သောမတ်အယ်ဖရီးမင်းက ဒီအတိုင်းဆိုခဲ့ သည်။ နိုင်ငံတစ်နိုင်ငံနှင့် တစ်နိုင်ငံအကြား ခြားထားသည့် တံတိုင်းတွေ ပြိုလဲကျသွားရုံမက၊ တစ်ကမ္ဘာလုံးမှာ ကွင်းပြင်ညီဖြစ်၍ သွားသည်။
ဘော်လုံးစကားဖြင့် ပြောရလျှင် အားလုံး ``ခြေရည် တူ ကစားနိုင်ခွင့်´´ ရ၍သွားသည်။ ယနေ့ကမ္ဘာပေါ်တွင် လူဦးရေ သန်း ၆၀၀၀ ကျော် ရှိသည့်အနက် သန်း၄၀၀၀ ကျော်မှာ ကွန်ပြူတာအသုံးပြုသူများ ဖြစ်နေကြသည်။ အိမ်သုံး ရုံးသုံး ကွန်ပြူတာ၊ လက်ပ် တော့ပ်၊ နုတ်ဘုတ်၊ နက်ဘုတ်တွေကို အင်တာနက်ဖြင့် ချိတ်ဆက်သုံးစွဲသူ တွေ တိုးပွားနေသည်။ ရန်ကုန်တွင်ပင် ဆင်ခြေဖုံး လမ်း ကြိုလမ်းကြားမကျန် အင်တာနက်ကဖီးတွေ မှိုလိုပေါက် လာတာ တွေ့နေရခြင်းက ထိုအချက်ကို သက်သေခံ နေသည်။
အမှန်အတိုင်း ဝေဖန်ပိုင်းခြားပြောရလျှင်၊ အိုင်စီတီ နည်းပညာကို အပြည့်အ၀ (ထိုထက်ပို၍ အလျှံပယ်) အသုံးပြုနေနိုင်သော နိုင်ငံများမှာ အမေရိက ဥရောပနှင့် လက်တင် အမေရိကမှ တချို့တ၀က်၊ အာရှမှ ဖွံ့ဖြိုးပြီး စီးပွားရေး အင်အားကြီး နိုင်ငံကြီးတစ်ချို့သာဖြစ်သည်။ တတိယနိုင်ငံများဟု ဆိုခဲ့သော အာဖရိကနှင့် အာရှရှိ ဖွံ့ ဖြိုးဆဲ နိုင်ငံများ၏ အိုင်စီတီနည်းပညာ သုံးစွဲနိုင်မှု အချိုးအစားမှာ နိမ့်ကျအားနည်းနေဆဲ ဖြစ်သည်ဟု ဆို နိုင်သည်။ သို့သော် မြန်မာနိုင်ငံတွင်ပင် ကွန်ပြူတာ အင်တာနက် သုံးစွဲသူအရေအတွက်မှာ တိုးပွား၍နေ သည်။ ဥပမာ ကွန်ပြူတာကုမ္ပဏီအချင်းချင်း ဈေးကွက် ပြိုင်ဆိုင်မှုအရ၊ ကွန်ပြူတာတစ်လုံး၏ ဈေးနှုန်းမှာ ယခင် က ထက်များစွာ သက်သာလာသည်။ ငွေနှစ်သိန်းခွဲ၊ သုံး သိန်းရှိရုံဖြင့် အသင့်အတင့် သုံးစွဲနိုင်သော တစ်ပတ်ရစ် ကွန်ပြူတာတစ်လုံးကို သင်ပိုင်ဆိုင်နိုင်သည်။ (ယင်းမှာ ဒစ်ဂျစ်တယ် ကင်မရာတစ်လုံး၊ ဂျပန်လုပ်စက်ဘီးတစ်စီး တန်ဖိုးမျှသာရှိသည်။) သင့်မှာ ငွေလေးငါးရာရှိလျှင် အင် တာနက်ကဖီးသို့ သွားကာ တစ်နာရီကြာ အသုံးပြုနိုင် သည်။ ယခင်က ပညာတတ်မှ လူရာဝင်သည်ဟူသော စကားကိုိ ယခုအခါ ကွန်ပြူတာတတ်မှ လူရာဝင်သည်ဟု ပြင်ဆင်ရမည့် အခြေအနေ ရောက်နေလေသည်။ လွန်ခဲ့ သော အနှစ်သုံးဆယ်ခန့်က စာမတတ်သူ ပပျောက်ရေး လှုပ်ရှားမှုဟူ၍ `အသုံးလုံးကြေ´ သင်တန်းတွေ ဖွင့်ခဲ့သလို၊ ကွန်ပြူတာ မတတ်သူပပျောက်ရေး လှုပ်ရှားမှုဟူ၍ ခေတ် သစ် အသုံးလုံးကြေ သင်တန်းများ မပေါ်ပေါက်လာနိုင်ဟု ပြောမရချေ။
ခေတ်ပြိုင် လူ့အဖွဲ့အစည်းတွင် ထိုက်တန်သော လူအဖြစ်၊ ဖြစ်တည်ခွင့်အတွက် (ယနေ့လူသားသည် ထမင်းစားသကဲ့သို့ပင်၊ သတင်းအချက်ကို စားသုံးသူ လည်းဖြစ်ရာ) သူ့ကို အတင်းအချက်အလက်ပြည့်စုံ လျှင် မြန်စွာပေးနိုင်သည့် ကွန်ပြူတာအင်တာနက်သည်လည်း မလွဲမသွေ လိုအပ်သောအရာ ဖြစ်နေလေသည်။ အသိ ပညာဦးစားပေး လူ့အဖွဲ့အစည်းတွင်၊ အသိပညာ ချို့တဲ့ သူမှာ၊ ငွေကြေးချို့တဲ့သူထက်ပင် အောက်ကျနောက်ကျ နိုင်လှသည့်ဘ၀နှင့်ရင်ဆိုင်ရမှာ သေချာလှပေသည်။ ဘ၀ ကောင်းတစ်ခုကိုတည်ဆောက်ဖို့အတွက်ကြောင်း ကျိုးဆီ လျှော်စွာ ဆင်ခြင်နိုင်ရန် သင့်အား ကျယ်ပြန့်ပြည့်စုံသော အချက်အလက်များကို အလျှင်အမြန် ပေးနိုင်မည့်အရာ မှာ လူပညာရှိလည်းမဟုတ်၊ စာကြည့်တိုက်တစ်ခုလည်း မဟုတ် ကွန်ပြူတာ(အင်တာနက်)သာ ဖြစ်လေသည်။
အင်တာနက်ကို အသုံးပြု၍ သင်သည်နာရီမဆိုင်း ပဲ အမေရိကားမှာ ထုတ်ဝေသည့် မဂ္ဂဇင်းဂျာနယ်များကို ဖတ်နိုင်သည်။ စပိန်မှ ဘောလုံးပွဲကို တိုက်ရိုက်ကြည့်ရှု နိုင်သည်။ အာဖရိကမှ မိုးခေါင်ခြင်း၊ တရုတ်၌ ရေကြီးခြင်း ကို မဆိုင်းမတွ မြင်နိုင်သည်။ သက်ဆိုင်ရာ ၀က်ဘ်ဆိုက် ကိုဝင်ကြည့်ခြင်းဖြင့် ကမ္ဘာတွင် ဖြစ်ပျက်နေသော နိုင်ငံရေး စီးပွားရေး၊ ယဉ်ကျေးမှုအနုပညာ သတင်းအချက်အလက် အစုံအလင်ကို လိုအပ်သလို သိရှိနိုင်သည်။ ကွန်ပြူတာ ဖြင့် (E. book) မျိုးစုံ ဖတ်ရှုနိုင်သည်။ ပိဋကတ်သုံးပုံမှ ဆယ်ကျော်သက်မဂ္ဂဇင်းများအထိ။ ရီးဒါးဒိုင်ဂျက်စ်မဂ္ဂဇင်း (၆)အုပ်ကို စီဒီတစ်ချပ် ငါးရာသာကျသည်။ ဘရစ်တနီ ကား၊ အင်ကာတာ၊ ၀ီကီပီဒီးယား (အွန်လိုင်းစွယ်စုံကျမ်း) တွေ ဈေးပေါပေါနှင့် ဖတ်နိုင်သည်။ ယနေ့လူငယ်များ ပညာရှာမှီးချင်သည်ဆိုလျှင် အင်မတန်လွယ်ကူသော အချိန်ဖြစ်သည်။ ပညာခေတ်တွင် သင်ရော ပညာလူသား ဖြစ်ပါပြီလား။
No comments:
Post a Comment